Zindagi Shayari

Lamhon ke aazab sah raha hun

main apne vajud ke saza hun

zakhmon ke gulab khil rahe hain

khushbu ke hujum mein khada hun

is dasht-e-talab mein ik main bhi

sadiyon ke thaki hui sada hun

benam-o-numud zindagi ka

ik bojha uthaye phir raha hun

ik aisa chaman hai jis ke khushbu

sanson mein basaye phir raha hun

ik aisi zamin hai jis ko chukar

takadis-e-haram se aashna hun

ae mujh ko fareb dene wale

main tujh par yaqin kar chuka hun

main tere qarib aate aate

kuch aur bhi dur ho gaya hun.

--

Sapnay Ki Tarha Tujhey Saja K Rakhon

Chandni Raat Ki Nazron Se Chupa K Rakhon

Meri Taqdeer Meray Saath Nahin Hai

Warna Zindagi Bhar Tujhay Apna Bana K Rakhon.

--

Sanson Ka Pinjara Kisi Din Toot Jayega

Phir Musafir Kisi Rah Mein Choot Jayega!

Abhi Sath Hai To Bat Kar Lia Karo

Kia Pata Kub Zindagi Ka Sath Choot Jayega.

--

Han kis ko hai mayassar ye kam kar guzarana

ik bankpan se jina ik bankpan se marana

dariya ki zindagi par sadqe hazar jane

mujh ko nahi gavara sahil ki maut marana

sahil ki lab se pucho dariya ki dil se pucho

ik mauj-e-tah-nashin ka muddat ki bad ubharana

jo zist ko na samajhe jo maut ko na jane

jina unhin ka jina marana unhin ka marana.

--

Aaya tha ghar sanvarane ehasan kar gaya

barbadiyon ka aur bhi saman kar gaya

ab tak rahi us ke yaad meri zindagi ke sath

do char pal ke mujh se jo pehchan kar gaya

aankhon ne jis ke shauq mein raten sajai thin

khvabon ke anjuman wohi viran kar gaya

jhonka nasim-e-subah ka aaya to tha magar

gulshan ke har kali ko pareshan kar gaya.